'L era an omet picenin, vestì de rosso, che lassea le peche dove el passea. Quando la dent metea el piè su ste peche, non l'era pi bona de vegner fora e i girea intorno perdendose. Na olta an om el se avea venturà su le boe de Scarnia e 'l avea mess an piè su la peca del mazzarol, e non 'l era pi bon de vegner a casa. Anche la sorela de me nono l'era andata sui borai de Scarnia e non l'era pi bona vegner fora, e l'ha scominzià a osar: "Vegné a torme! Son su le boe de Scarnia !" E 'l era vero che la se avea persa. Non se sa el perché. Se pensa l'avess mess la scarpa su la peca del mazzarol.[Villabruna di Feltre (BL), ott. 1992; Gina, a. 65, contad.; E. Ricci]
Nessun commento:
Posta un commento